გამოცდილება

ილიას სახელმწიფო უნივერსიტეტის ინოვაციური ტექნოლოგიების კიბერლაბორატორია უნილაბი ილიაუნის პროფესორებსა და ლექტორებთან თანამშრომლობით ინოვაციურ პროექტებზე მუშაობს. უნილაბი ტექნოლოგიებით დაინტერესებულ ნებისმიერ ადამიანს სთავაზობს სასწავლო პრაქტიკულ კურსებს, საინტერესო მოხალისეობრივ პროგრამებსა და საინფორმაციო შეხვედრებს.  კიბერლაბორატორია 2020 წელს დაარსდა. 2025 წლის დასაწყისისათვის უნილაბში ჩატარდა სასწავლო და პრაქტიკული ხასიათის 80 კურსი. მისმა პროგრამებმა გააერთიანა 595 სტუდენტი და 276 პროფესიული აქსელერაციის მონაწილე. კიბერლაბორატორია უნილაბის მიზნებია ტექნოლოგიებით დაინტერესებული ნებისმიერი ადამიანის დახმარება და ტექნოლოგიურ სფეროში თვითგანვითარებისთვის საჭირო საბაზისო ცოდნის მიცემა;  ილიაუნის ტექნოლოგიებით დაინტერესებული სტუდენტებისთვის პროფესიული განვითარებისა და პრაქტიკული გამოცდილების მიღების შესაძლებლობის შექმნა; მოსწავლეებისთვის სხვადასხვა შესაძლებლობის შეთავაზება და მათი დაინტერესება ტექნოლოგიებითა და ილიაუნის ტექნოლოგიის სკოლით; ილიაუნის აკადემიური და ადმინისტრაციული პერსონალისთვის საჭირო პროექტების, პლატფორმებისა და აპლიკაციების შექმნა.  კურსების ჩამონათვალი ციფრული კომუნიკაციები  Front-end (HTML, CSS) Python დეველოპმენტი ICT პროექტების მართვა გრაფიკული დიზაინი  UI/UX დიზაინი   საკონტაქტო ინფორმაცია: ვებგვერდი: https://unilab.iliauni.edu.ge/  Facebook: https://www.facebook.com/UniLabEdu  LinkedIn: https://www.linkedin.com/company/65815278/admin/dashboard/  YouTube: https://www.youtube.com/channel/UCqnKFIQm_TiHTqBHJt3Wy8w  Instagram: https://www.instagram.com/unilab_edu/  TikTok: https://www.tiktok.com/@unilab_edu  ელექტრონული ფოსტა: infounilab@iliauni.edu.ge

ლიაუნის განათლების ფესტივალი ილიას გზით განათლებისთვის არის საგანმანათლებლო-შემეცნებით მოგზაურობა საქართველოს რეგიონებში, რომლის მთავარი მისიაა სხვადასხვა კვლევითი ცენტრის წარმომადგენლების, პროფესორებისა და სტუდენტების მონაწილეობით დაინტერესებულ პირებს შესაძლებლობა მისცენ სპეციალურად მოწყობილ კარვებში და ღია ლაბორატორიებში ჩაატარონ მრავალფეროვანი  ექსპერიმენტები და სახალისო ფორმით  გაეცნონ მეცნიერებას. ფესტივალის თანამგზავრია ილიაუნის ჰუმანოიდი რობოტი – ატომი. უნივერსიტეტის კომპიუტერული მეცნიერების პროგრამის წარმომადგენლები დაინტერესებულ ახალგაზრდებს აცნობენ  როგორ მუშაობს თანამედროვე ტექნოლოგიები. საგამოფენო კარვებში წარმოდგენილია: ქიმიური ბიოლოგიის სივრცე ეკოლოგიის სივრცე  გეოლოგიის სივრცე ასტროფიზიკის სივრცე სხვადასხვა კონკურსები და ინტერაქციული აქტივობები თანამედროვე ტექნოლოგიების სივრცე პლანეტარიუმი მასტერკლასები და ვორკშოპები თანამედროვე ტექნოლოგიების და საბუნებისმეტყველო მიმართულებით.

ილიას სახელმწიფო უნივერსიტეტის სტუდენტურ საქმეთა დეპარტამენტის ერთ-ერთი ძირითადი მიმართულებაა სტუდენტებისა და კურსდამთავრებულების დასაქმებისა და კარიერული განვითარების ხელშეწყობა. კარიერული განვითარების სერვისების ფარგლებში დეპარტამენტი ახორციელებს ისეთ პროექტებსა და აქტივობებს, როგორებიცაა: მარი ბურდულის სახელობის დასაქმების თვე და პროფილური დასაქმების ფორუმების სერია - UNIJOBS. ილიას სახელმწიფო უნივერსიტეტი წელიწადში ორჯერ (შემოდგომისა და გაზაფხულის სემესტრებში) ატარებს მარი ბურდულის სახელობის დასაქმების თვეს სტუდენტებისა და კურსდამთავრებულებისათვის, რომლის განმავლობაში ათეულობით შეხვედრა იმართება სხვადასხვა ორგანიზაციების ადამიანური რესურსების მართვის მენეჯერებთან. გარდა ამისა, დეპარტამენტის კარიერული სერვისების მიმართულება ჩართულია ვიწრო პროფილური დასაქმების ორგანიზებასა და თანაორგანიზებაში, როგორებიცაა: ჯანდაცვის დასაქმების ფორუმი (მარტი, 2025);  სან დიეგოს სახელმწიფო უნივერსიტეტი - საქართველო, თბილისის სახელმწიფო უნივერსიტეტი, ილიას სახელმწიფო უნივერსიტეტი, საქართველოს ტექნიკური უნივერსიტეტი - ერთობლივი დასაქმების ფორუმი 2025 (აპრილი, 2025); ტექნოლოგიური ფორუმი (ივლისი, 2025). სტუდენტებსა და კურსდამთავრებულებს უტარდებათ კარიერული განვითარების მხარდამჭერი ვორქშოფები. სტუდენტურ საქმეთა დეპარტამენტი UNIJOBS-ის ფარგლებში ახორციელებს სტუდენტებისა და კურსდამთავრებულების რეგისტრაციას, რის შედეგადაც მიღებული ინფორმაციის საფუძველზე იფილტრება ვაკანსიები, სტაჟირების პროგრამები, დასაქმებასთან და კარიერულ განვითარებასთან დაკავშირებული შემოთავაზებები და ყოველდღიურად პროფილურად ეგზავნებათ აპლიკანტებს მათთვის საინტერესო ინფორმაცია მითითებულ ელფოსტის მისამართზე. ასევე 2025 წლის მარტიდან სტუდენტურ საქმეთა დეპარტამენტის კარიერული სერვისების ორგანიზებით დაიწყო კარიერული განვითარების პროექტი Level Up. პროექტის მიზანია სტუდენტების მომზადება თანამედროვე შრომითი ბაზრის გამოწვევებისთვის და მათი პროფესიული განვითარების მხარდაჭერა. ინტენსიური კურსი, 5 ლექცია, მოიცავს დასაქმების სფეროსთან დაკავშირებულ 10 მნიშვნელოვან თემას. მონაწილეები სწავლობენ, როგორ შეაფასონ საკუთარი რესურსი, როგორ წარმოადგინონ თავი დამსაქმებლის წინაშე თავდაჯერებულად და ჩამოაყალიბონ გრძელვადიანი კარიერული ხედვა. ლექციებზე ადამიანური რესურსების (HR) მართვის პოლიტიკის მოწვეული პროფესიონალები მონაწილეებს უზიარებენ გამოცდილებას, რეალურ სამუშაო შემთხვევებსა და კარიერის დასაწყებად საჭირო პრაქტიკულ ცოდნას. Level Up-ის კურსის 10 თემაა: შეფასება უნარ-ჩვევები LinkedIn-ის გამოყენება საკუთარი თავის წარმოჩენა პროფესიონალური თვითანალიზი რეზიუმეს (CV) შედგენა სამოტივაციო წერილი კავშირების დამყარება (Networking) მოლაპარაკების ხელოვნება გასაუბრება კურსი ყოველსემესტრულად ტარდება და მისი გავლის შემდეგ მონაწილეები იღებენ სერტიფიკატს. ამ დრომდე პროექტს ორი ეტაპი ჩატარდა და ჰყავს 600 მონაწილე. 2025 წლის მარტიდან სტუდენტურ საქმეთა დეპარტამენტის კარიერული სერვისების ორგანიზებით დაიწყო კარიერული განვითარების პროექტი Meet Up. პროექტის მიზანია სტუდენტების მომზადება თანამედროვე შრომითი ბაზრის გამოწვევებისთვის და მათი პროფესიული განვითარების მხარდაჭერა დამსაქმებლებთან უშუალო შეხვედრებით და მათი მხრიდან ინფორმაციის გაზიარების თვალსაზრისით კორპორატიულ კულტურაზე, ორგანიზაციის მუშაობის პრინციპებზე, ვაკანსიებზე, სტაჟირებების საშუალებებზე და ა.შ. აღნიშნული პროექტის ფარგლებში 2025-2026 წლებში ჩატარდა შეხვედრები სხვადასხვა სექტორის წარმომადგენელ კომპანიებთან. ამ წლების განმავლობაში სტუდენტურ საქმეთა დეპარტამენტის კარიერული სერვისები აქტიურად თანამშრომლობს სხვადასხვა პროფილის ადგილობრივ და საერთაშორისო კომპანიებთან: ●  ფინანსური სექტორი: საქართველოს ბანკი, TBC ბანკი, ეროვნული ბანკი, ალდაგი, FinHub Georgia. IMEDI L ● საერთაშორისო და ადგილობრივი ბიზნესები: Huawei, SOCAR, APM Terminals, Carrefour, One Point, ICR, Mateks Georgia LTD, Mimino Travel, Delta Translation Group, Gtex, IMEDI L, Aqua Geo, Megafire, Octopus, Blue Waters, LSG Solutions, Knauf. Axatya Investment. BDO Georgia. ჭიტა. ● სერვისები და ტრანსპორტი: Greenway საქართველო, სუფთა სახლი, Gastronome, Smart Photos, ახალი მზერა, კავკასიის ავტოიმპორტი. Tegeta Motors. Hydro Diagnostics. ●  მედია და განათლება: პირველი არხი, Nato საქართველო, ფერადი სამყარო, მწვანე სკოლა, SOS ბავშვთა სოფელი საქართველო.  Commschool. Studio Lingo. UCMAS Georgia. International Sales Institute. ბრიტანული ცენტრი ● სხვა პარტნიორები: FINA, Megaholding, TP ტელეპერფორმანსი, Gastronomé. Mega Holding

2012 წლიდან ილიას სახელმწიფო უნივერსიტეტი ყოველწლიურად ატარებს სამეცნიერო პიკნიკს, რომლის მიზანი და ამოცანა მეცნიერების პოპულარიზაცია და თანამედროვე  მიღწევების სახალისო ფორმით წარმოჩენაა. პიკნიკზე ილიაუნის  მეცნიერები და მეცნიერების პოპულარიზაციის ჯგუფები  ილიაუნის ეზოში  საინტერესო ექსპერიმენტებს, ინტერაქციულ გამოფენებსა და შემეცნებით-გასართობ პროგრამებს წარმოადგენენ.  ექსპერიმენტებისა და დემონსტრაციების გარდა განათლებასთან დაკავშირებული საერთაშორისო ორგანიზაციები, საჯარო და კერძო სკოლები და კერძო ორგანიზაციები წარმოადგენენ სხვადასხვა ტექნოლოგიურ სიახლეს, ასევე საკუთარ კვლევებსა და მიღწევებს. სამეცნიერო პიკნიკით შესაძლებელია წვლილის შეტანა გაეროს მდგრადი განვითარების 17 მიზნის შესრულებაში. მეტი ინფორმაციისთვის ეწვიეთ ვებგვერდს: Sciencepicnic.iliauni.edu.ge  

ილიაუნის თეატრი 2010 წელს გაიხსნა ვაკის თეატრალური სარდაფის ბაზაზე. ის ქართულ საგანმანათლებლო სივრცეში პირველი და ჯერჯერობით ერთადერთი პროფესიული თეატრია. 15 წლის განმავლობაში ილიაუნის თეატრმა ითამაშა 50-ზე მეტი პრემიერა, იმყოფებოდა არაერთ გასტროლზე ქვეყნის შიგნით თუ საზღვარგარეთ. მოიპოვა სხვადასხვა თეატრალური ფესტივალის პრიზები. პრემიერებთან ერთად თეატრში ხშირად მუშაობენ პროფესიულ და ახალგაზრდულ თეატრალურ პროექტებზე. სცენა ხშირად მასპინძლობს ხელოვნების სხვადასხვა სფეროსადმი მიძღვნილ მასტერკლასებს და სტუდენტურ ღონისძიებებს: პოეზიის საღამოებს, კონცერტებს, პრეზენტაციებს და სხვ.

სტუდენტურ საქმეთა დეპარტამენტი პერიოდულად აცხადებს მიღებას გასვლით სეზონურ სკოლებში მონაწილეობისთვის, რომლებიც ილიას სახელმწიფო უნივერსიტეტის სამეცნიერო-კვლევით ბაზებზე ტარდება. აღნიშნული პროგრამები მიზნად ისახავს საველე-კვლევითი უნარ-ჩვევების განვითარებას, პრაქტიკული ცოდნისა და გამოცდილების მიღებას არაფორმალურ გარემოში და ახალი კავშირების დამყარებას. ჩვენი სასწავლო და კვლევითი ლოკაციები: ● სტეფანწმინდა (ალპური ეკოლოგიის ბაზა): ფოკუსირებულია მაღალმთიანი რეგიონების ეკოლოგიის, ბიოლოგიისა და გარემოს დაცვის საკითხებზე. ● დედოფლისწყარო (სამეცნიერო ბაზა): ორიენტირებულია არქეოლოგიურ, საბუნებისმეტყველო და ინტერდისციპლინურ საველე კვლევებზე. ● გრიგოლეთი (საზღვაო ბაზა): მთავარ აქცენტს აკეთებს შავი ზღვის სანაპირო ეკოსისტემებისა და საზღვაო რესურსების შესწავლაზე.

სტუდენტური კლუბები უნივერსიტეტის ცხოვრების მნიშვნელოვანი ნაწილია. ისინი იძლევა შესაძლებლობას სოციალური ურთიერთობებისთვის, ლიდერული უნარების განვითარებისთვის და პირადი ზრდისთვის. კლუბები ქმნის ერთიანობის შეგრძნებას და აძლევს სტუდენტებს საშუალებას, აღმოაჩინონ საკუთარი ინტერესები, შეიძინონ ახალი გამოცდილება და დაამყარონ ხანგრძლივი მეგობრობა.