საკონსულტაციო ცენტრი ილიაუნის ფსიქიკური ჯანმრთელობის ცენტრის ბაზაზე 2019 წლის მარტიდან ფუნქციონირებს. საკონსულტაციო ცენტრს ხელმძღვანელობენ ილიაუნის პროფესორები: ნინო მახაშვილი და ჯანა ჯავახიშვილი. გახსნის დღიდან ასეულობით სტუდენტმა მიიღო კვალიფიციური, ხარისხიანი დახმარება. საკონსულტაციო ცენტრში გამოყენებულია როგორც ინდივიდუალური, ასევე ჯგუფური კონსულტირების ფორმატები საშუალო ხანგრძლივობით ერთიდან ექვს სესიამდე. პერიოდულად ჯგუფებს უტარდებათ ტრენინგები გარკვეული უნარ-ჩვევების (ეფექტური კომუნიკაცია, სტრესის მართვა და სხვ.) ასათვისებლად.
ფსიქიკურ ჯანმრთელობაზე ზრუნვისა და სტუდენტების პრაქტიკის ხელშეწყობის მიზნით ილიას სახელმწიფო უნივერსიტეტმა დანერგა ტრანსკრანიალური მაგნიტური სტიმულაციოს სერვისი (TMC). სერვისი ხორციელდება კონკურენტული ინოვაციების ფონდის მხარდაჭერით. მომსახურება განკუთვნილია ტმს მკურნალობის საჭიროების მქონე პირებისთვის და ამ ეტაპზე მკურნალობა მათთვის სრულიად უფასოა. ამჟამად ილიაუნის ტმს სერვისი ემსახურება მკურნალობისადმი რეზისტენტული დეპრესიის მქონე პატიენტებს.
ცენტრი მუშაობს ყოველ სამუშაო დღეს. კონსულტაციები მიმდინარეობს როგორც პირისპირ, ასევე დისტანციურად ZOOM პლატფორმის გამოყენებით. გთხოვთ, ჩასაწერად მოგვწერეთ მეილზე: ispcc@iliauni.edu.ge
